Jon Etxebarria (Txontxe)k begirada ezin ederragoan eman digu berak egindako bidaiaren berri. Barrutik kanpora, eta bueltan berriro ere abiaburura. Zirkulu inperfektu bezain biribilean eroan eta ekarri gaitu sentsazioen bide-zidorretatik eta apaltasun poetiko miresgarrian eskaini digu bidaia fisiko, pertsonal eta literarioa. Kartografia pertsonala, mapa biziak. (MIKEL ETXABURU OSA).

Jon Etxebarria (Txontxe) (1980, Getxo) Internazionalista, hezitzailea eta gurasoa. Herri eta langile mugimenduko kidea izan da eta Zubitxu Natura Eskolako sortzaileetako bat da. Euskal Filologian lizentziatua eta, ogibidez, Euskara eta Literatura irakaslea. Aurkezten dugun Kapuscinskiren Erretrobisorea du bere lehen liburua.